Домачево

 

 

 

Домачево - городской поселок, центр Домачевского поселкового Совета, в 52 км на юг от Бреста, 8 км от железнодорожной станции Дубица, 2 км от автодороги Брест — Томашовка. 1299 жителей (2005)

У 18 ст. мястэчка ў Брэсцкім павеце і ваяводстве ВКЛ. У 1788 г. намаганнямі жыхароў Дамачава і навакольных весак пабудавана праваслаўная драўляная царква з капліцай. Пасля 3-га падзелу Рэчы Паспалітай (1795) ў складзе Расійскай імперыі, у Слонімскай, з 1797 г. — Літоўскай, з 1801 г. — у Гродзенскай губернях. Тут размяшчаўся кардонны пост, які кантраляваў выплату мытных падаткаў у сувязі з перасячэннем мяжы з Каралеўствам Польскім. У 1860 г. мястэчка (1104 жыхары) — цэнтр Дамачаўскай воласьці і маентка, якім валодаў князь Вітгенштэйн. У чэрвені 1861 г. адбылося выступленне сялян супраць пана, якое было задушана ваеннай сілай. У 1863 г. адкрыта народнае вучылішча. У 1876 г. ў мястэчку 246 двароў, 1789 жыхароў. Мелася 13 вуліц: Аляксандраўская, Базарная, Брэсцкая, Гандлевая, Кабелкаўская, Крывая, Купальная, Ляплеўская, Новая, Пясочная, Садовая, Царкоўная, Чэрская. На першай размяшчаліся сельская лячэбніца і валасное праўленне. У 1886 г. — 683 жыхары, валасная ўправа, праваслаўная царква, яўрэйскі малітоўны дом. Працавала народнае вучылішча, у якім вучыліся 63 хлопчыкі, дзейнічалі мяшчанская ўправа, паштовае аддзяленне. У 1890 г. ўладальнікам маентка быў князь П.Вітгенштэйн. У склад маентка ўваходзілі хутары Аляксандрава, Маслянкі і фальварак Чэрск. Паводле перапісу 1897 г. ў мястэчку 130 двароў, 1029 жыхароў, 30лавак, 2 карчмы. На працягу года адбываліся два кірмашы. На чыгуначнай станцыі Дамачава — 11 двароў, 27 жыхароў, вадакачка, буфет. У 1905 г. 1163 жыхары, чыгуначная станцыя Дамачава на лініі Брэст — Холм. Маентак і 7827 дзесяткаў зямлі належалі правадз. стацкаму саветніку М.І. Дурыліну. У 1905 г. на месцы старога храма пабудавана драўляная праваслаўная Лукаўская царква. Працавалі ўчастак сельскага ўрача, лячэбніца, валасны фельчар, раз у год дзейнічаў прызывны ўчастак па воінскай павіннасці. Тут размяшчаліся ўчасткі судовых следчых, міравых пасрэднікаў, судова-міравой акругі, паліцэйскіх ураднікаў. Паводле Рыжскага мірнага дагавора 1921 г. ў складзе Польшчы, цэнтр Дамачаўскай гміны Брэсцкага павета Палескага ваяводства. На 30.9.1921 г. ў мястэчку 110 двароў, 1504 жыхары. Непадалеку знаходзілася калонія, у якой было 3 будынкі, 10 жыхароў. Працавалі млын і невялікае прадпрыемства па вырабе масел. З 1939 г. ў складзе БССР, з15.1.1940 г. гарадскі паселак, цэнтр Дамачаўскага раена; 530 двароў, 3950 жыхароў. У Вялікую Айчынную вайну знішчана 500 двароў і 3800 жыхароў. 17.12.1956 г. Дамачаўскі раен скасаваны, г.п.Дамачава ўключаны ў склад Брэсцкага раена. Паводле перапісу 1959 г. 4266 жыхароў. Цэнтр адкрытага акцыянернага таварыства "Брэстрайаграсэрвіс"; сярэдняя школа, райпрамкамбінат (чарапічны і мэблевы цэхі і млын), маслазавод, лясніцтва, дзіцячы сад, вучэбна бытавы камбінат, гарпасялковая бальніца, аддзяленне сувязі, бібліятэка, Дом культуры, кінатэатр, санаторый, КВП "Хлебазавод", аптова-рознічнае гандлярнае прадпрыемства, дом для састарэлых і інвалідаў.

 

ГАРАДЫ I ВЕСКI БЕЛАРУСI. БРЭСЦКАЯ ВОБЛАСЦЬ. ЭНЦЫКЛАПЕДЫЯ , том 1

 (Мн., Беларуская энцыклапедыя, 2006)

 

 

При копировании обязательно указывайте автора. Использование в других целях разрешается только и исключительно с согласия автора.

 

 

 

 

На главную

 

При использовании материалов с сайта ссылка на сайт обязательна

Разработка и дизайн сайта:  © Прокопюк И. (2006-2010)